(ဘီလူးကျွန်းသားလေး) နည်းပညာ

Friday, December 11, 2015

Android သုံးစွဲသူ ၇၂ ရာခိုင်နှုန်းနီးပါးက နှစ်နှစ်သက်တမ်း ကြာမြင့်သည့် OS ကို အသုံးပြုနေဆဲဟုဆို





၇၁.၆ ရာခိုင်နှုန်းသော Android ထုတ်ကုန်များသည် Lollipop မတိုင်မီ ထွက်ရှိခဲ့သည့် OS ဗားရှင်းများကို အသုံးပြုနေဆဲဖြစ်ကြောင်း ယခုတစ်ပတ်အစောပိုင်းက Google မှ ထုတ်ပြန်သော အချက်အလက်များအရ သိရသည်။

အထူးသဖြင့် Android ၃၆.၆ ရာခိုင်နှုန်းသည် လွန်ခဲ့သည့် ၂ နှစ်က ထွက်ရှိခဲ့သော Android 4.4 KitKat ကို အသုံးပြုနေလျက်ရှိသည်။ Android ထုတ်ကုန် ၂၆.၉ ရာခိုင်နှုန်းတွင်မူ Jelly Bean ဗားရှင်းအမျိုးမျိုးကို သုံးစွဲလျက်ရှိသည်။ Jelly Bean သည် ၂၀၁၂ ခုနှစ် ဇွန်လက ထွက်ရှိခဲ့ပြီး ၂၀၁၃ ခုနှစ် အောက်တိုဘာလကတည်းက update ပြုလုပ်ပေးခြင်း မရှိတော့ပေ။

နှိုင်းယှဉ်ချက်များအရ iOS သုံးစွဲသူ ၇၀ ရာခိုင်နှုန်းသည် စက်တင်ဘာလက ထွက်ရှိခဲ့သော iOS 9 ကို အသုံးပြုနေကြသည်။ Android သုံးစွဲသူများစွာကမူ လာမည့် ၁ နှစ် သို့မဟုတ် ၂ နှစ်အတွင်း ထွက်ရှိမည့် Android 6.0 Marshmallow ကို သုံးစွဲရန် စောင့်ဆိုင်းလျက်ရှိသည်။

Ref: BGR
Credit internetjournal
သီဟထိုက်

No comments: