(ဘီလူးကျွန်းသားလေး) နည်းပညာ

Monday, January 25, 2016

iPhone နှင့် iPad များ၌ search engine ဆက်လက်အသုံးပြုနိုင်ရန် ၂၀၁၄ ခုနှစ်တွင် Google က Apple ထံ ဒေါ်လာ ၁ ဘီလီယံ ပေးချေခဲ့ရ

Google သည် iPhone နှင့် iPad များတွင် ရှာဖွေမှုများ ပြုလုပ်နိုင်ရန်အတွက် Apple ထံ အမေရိကန်ဒေါ်လာ ၁ ဘီလီယံ ပေးချေခဲ့ရသည်။

တရားရုံးမှတ်တမ်းများ၏ အဆိုအရ Google သည် iOS တွင် ၎င်း၏ search engine ကို ဆက်လက်အသုံးပြုနိုင်ရန်အတွက် ၂၀၁၄ ခုနှစ်တွင် Apple ထံ အမေရိကန်ဒေါ်လာ ၁ ဘီလီယံပေးချေခဲ့ရကြောင်း သိရသည်။ ထို့အပြင် Apple သည် iOS ထုတ်ကုန်များမှတစ်ဆင့် ရရှိခဲ့သော Google ၏ ဝင်ငွေများအနက် ၃၄ ရာခိုင်နှုန်းကို ရရှိခဲ့သည်ဟု ဆိုသည်။

အဆိုပါ အချက်အလက်သည် Oracle နှင့် Google တို့၏ တရားစွဲဆိုမှုမှ ထွက်ပေါ်လာခဲ့ခြင်းဖြစ်သည်။
တရားရေးဆိုင်ရာ စာရွက်စာတမ်းများကို ချိပ်ပိတ်ထားရန်အတွက် Google က “Google နဲ့ Apple ရဲ့ ဘဏ္ဍာရေးအရ သဘောတူညီမှုဆိုင်ရာ အချက်အလက်တွေဟာ ကုမ္ပဏီနှစ်ခုစလုံးအတွက် အရမ်းကို အရေးကြီးပါတယ်။ Apple နဲ့ Google က ဒီအချက်အလက်တွေကို လျှို့ဝှက်ထားရမယ့်ကိစ္စအဖြစ် အမြဲသတ်မှတ်ထားပါတယ်” ဟု အမှုတွဲတစ်ခုတွင် ရေးသားဖော်ပြခဲ့သည်။

credit to internetjournal
သီဟထိုက်

No comments: